Chapter 39
1 fastaem mi mi talem se, "Naoia mi mi mas lukaot gud blong mi no talem sam tok we i no stret. I nogud mi letem maot blong mi i mekem mi mi sin. Sipos ol man nogud oli stap klosap long mi, i nogud mi tokbaot trabol ya blong mi." Ale mi stap kwaet, mi no talem wan tok. Nating we i blong talem wan gudfala samting, be mi no tok. Be trabol blong mi i stap kam mowas, mo mi mi harem nogud tumas.
2 Tingting blong mi i trabol we i trabol gud, mo taem mi stap tingbaot trabol ya blong mi, tingting blong mi i stap kam nogud moa. Nao mi mi no moa save stap kwaet, mi talem se,
3 "?Hae God. Bambae mi mi stap gogo kasem wetaem? ?Wetaem bambae mi mi ded? Plis yu talemaot long mi wetaem laef blong mi bambae i finis.
4 Naoia yu mekem laef blong mi i kam sotwan we i sotwan olgeta. Long fes blong yu, taem ya blong mi i olsem nating nomo. Laef blong man i olsem wan smol win nomo, we i blu wan taem, nao i finis.
5 Hem i olsem sado nomo. Olgeta samting we man i stap mekem i blong nating nomo. Hem i stap hivimap ol gudgudfala samting, be i no save hu man bambae i tekem."
6 Masta. long 35.22. Ol gudgudfala samting ya we bifo mi mi wantem olgeta tumas, naoia mi no moa save putum tingting blong mi i stap long olgeta. putum tingting blong mi i stap long hem, se bambae mi kasem? Naoia mi mi putum tingting blong mi i stap long yu nomo.
7 Plis yu tekemaot mi long olgeta sin blong mi, mo yu no letem ol krangke man oli laf long mi.
8 Naoia mi stap kwaet, mi no moa save talem wan samting, from we mi save we yu nao yu mekem mi mi harem nogud olsem.
9 Plis, yu no moa panisim mi bakegen. Klosap mi mi ded, from we yu stap slavem mi.
10 Taem yu tok strong long man blong panisim hem from sin blong hem, yu stap spolem ol samting we hem i laekem tumas, olsem we kakros i stap spolem olting. Yes i tru, man i olsem wan smol win nomo, we i blu wan taem, nao i finis.
11 Hae God, plis yu harem prea blong mi, yu lesin long krae blong mi. Taem mi stap krae, plis yu kam halpem mi. Mi mi stap wetem yu long wol ya olsem strenja we i stap smoltaem nomo, olsem ol bubu blong mi bifo.
12 Plis yu livim mi mi stap mi wan blong mi save harem gud fastaem. Afta, bambae mi mi lus, mi no moa stap long ples ya bakegen.