ፋርፈትና

Chapter 38

1 ያ ዋቀዮ ፣ ኣሪኬቲን ነ ህንፈትን ዮካን ዼከምሰኬቲን ነ ህንአደብን።

2 ጥዮሊንኬ ነ ወራነኒሩ፤ ሀርክኬስ አከ መሌ ነት ኡልፋቴረ።

3 ሰበቢ ዼከምሰኬቲቲፍ ዸግንኮ ፈያ ዸቤረ፤ ሰበቢ ጩቡኮቲፍስ ለፌንኮ ነጋ ዸቤረ።

4 ጩቡንኮ ነ ልቅምሴራቲ፤ አኩመ በኣ ባተሙ ህንደንደአምኔ ቶኮትስ ነት ኡልፋቴረ።

5 ሰበቢ ጎዉማኮቲቲፍ፣ መዳንኮ መላ ነቀቴ፤ ንአጃኤስ።

6 አን ገድ ነንቀበሜ፤ ገድስ ነንጨቤ፤ ጉያ ጉቱስ ገዳን ኦለ።

7 ዱግድኮ ነ ቦበአ፤ ዸግንኮስ ፈያ ህንቀቡ።

8 አን ላፌረ፤ አከ መሌስ ቡቱቴረ፤ ገራንኮ ዽጰቴ አን ኣዳን ጅረ።

9 ያ ጎፍታ፣ ሀዊንኮ ሁንድኑ ፉለኬ ዱረት ቤከማዸ፤ አርገንሱንኮ ስ ዱራ ህንዾከቱ።

10 ለጴንኮ ንዸአት፤ ጅልብስ ነ ላፌረ፤ እፍን እጀኮቲስ በዴረ።

11 ምቾትንኮፊ ሚልቶትንኮ ሰበቢ መዳኮቲቲፍ ነራ ሂቀን፤ ፍሮንኮስ ነራ ፈጋተኒ ዸዻበቱ።

12 ወር ሉቡኮ ገላፈቹ በርባደን ክዮ ና ካአኒሩ፤ ወር ነ ሚዹ በርባደንስ ዋኤ በዲሰኮቲ ዱበቱ፤ ጉያ ጉቱስ ሀምነ ነት ያዱ።

13 አን ገሩ አኩመ ዱዳ ዸገኡ ህንደንዴኜ፣ አኩመ አረብ-ድዳ ዱበቹ ህንደንዴኜቲ።

14 አን አከ ነመ ዸገኡ ህንደንዴኜ፣ አኩመ ነመ አፋንሳ ዴቢ ኬኑ ህንደንዴኜስ ተኤረ።

15 ያ ዋቀዮ ፣ አን ስን ኤገዸ፤ ያ ዋቀዮ ጎፍታኮ፣ አት ዴቢ ና ኬንተ።

16 አን፣ "አከ ዲኖትንኮ ነት ገመደን ዮካን አከ እሳን ዬሮ ሚልኮ ሙጩጫቱት ነት ኦፍ ጀጀን ህንኤየምን" ጄዼራቲ።

17 አን ኩፉ ገኤራቲ፤ ዹኩቢንኮስ ተኩማ ነ ህንዺፍኔ።

18 አን በሌሳኮ ነንህመዸ፤ ሰበቢ ጩቡኮቲቲፍስ ነንገደ።

19 ወር አከሱማን ዲኖተኮ ተአን ጀጀቦዸ፤ ወር ሰበቢ መሌ ነ ጅበንስ ሄዱዸ።

20 ወር ቆደ ዋን ጋሪ ዋን ሀማ ና ዴብሰን ዲኖተኮት፤ አን ዋን ጋሪ ዱካ ነንቡኣቲ።

21 ያ ዋቀዮ ፣ አት ነ ህንገትን፤ ያ ዋቀኮ፣ ነራ ህንፈጋትን።

22 ያ ጎፍታ፣ ያ ፈይሳኮ፣ ነ ገርጋሩዻፍ አሪፈዹ!