ዮናስ

Chapter 2

1 ዮናስ ገራ ቁርጡሚ ኬሳ ዋቀዮን ዋቀሳ ከዸቴ።

2 እንስ አከነ ጄዼ፦ "አን ረክነኮ ኬሰት ዋቀዮን ዋመዼ፤ እንስ ዴቢ ናፍ ኬኔ። አን ገርጋርሰ በርባቸ ገራ ሲኦል ኬሳ ነንእዬ፤ አትስ እየኮ ናፍ ዸጌሴ።

3 አት ቱጁበት፣ ገራ ገላናት ገድ ነ ደርበቴ፤ ሎላንስ ነ መርሴ፤ ደምበሊፊ ዸኣንኬ ሁንድኑ ነረ ገረገለን።

4 አንስ፣ ‘ኩኖ አን ፉለኬ ዱራ በሌፈሜረ፤ ተኡስ አን ዴብኤ ገረ መነ ቁልቁሉማኬቲ ቁልቁሉ ሰናን እላለ’ ነንጄዼ።

5 ብሻኖትን ነ ሀጉገን፤ ቱጁብንሞ ነ መርሴ፤ አረማን ገላናስ መታት ነ መረሜ።

6 አን ገረ ሁንዴ ቱሉወኒትን ገድ ልቅምፈሜ፤ በልበል ለፈ ጀላስ በረ በራን ነት ጩፈሜ። ያ ዋቀዮ ዋቀኮ፣ አት ገሩ ሉቡኮ ቦለ ኬሳ ኦል ባፍቴ።

7 "ያ ዋቀዮ ፣ ዬሮ ሉቡንኮ ደዸብዴት አን ስን ያደዼ፤ ከዸናንኮስ ገረኬ ገረ መነ ቁልቁሉማኬ ቁልቁልቻት ኦል በኤ።

8 "ወር ዋቆተ ቶልፈሞ ፋይዳ ህንቀብኔት ጭቸን አራረ ዋቃራ ገረገሉ።

9 አን ገሩ ፋርፈትና ገለታቲን ኣርሳ ሲፍ ነንዽኤሰ። አን ወሬገን ወሬጌ ሰነስ ነንባሰ። አንስ፣ ‘ፈይን ዋቀዮ ብራ ዹፈ’ " ነንጄዸ።

10 ዋቀዮስ ቁርጡሚ ሰነ አጀጄ፤ ቁርጡሚን ሱንስ ለፈ ጎጋረት ዮናስን ቱፌ።