Chapter 1
1 Nao Hae God i stap long Haos Tapolen ya we ol laen* blong Isrel* oli stap kam long hem blong mit wetem hem, mo i singaot Moses i kam,
2 i givim tok blong hem long hem blong i go talemaot long ol man. Hem i talem se, "Moses. Sipos wan long yufala i wantem kilim wan anamol blong mekem sakrefaes blong mekem wosip long mi, i gud hem i tekem wan buluk no wan nani no wan sipsip blong hem."
3 Nao man ya i mas katemaot skin blong buluk ya, mo i mas katkatemaot ol haf blong hem,
4 "Sipos wan long yufala i wantem mekem sakrefaes olsem, mo i wantem kilim sipsip no nani blong mekem, hem i mas tekem wan anamol olsem we i man, mo we i no gat wan samting i rong long bodi blong hem.
5 Mo hem i mas kilim anamol ya long fes blong mi, klosap long Olta ya long saed blong hem i go long not, be i wok blong pris blong tekem blad blong anamol ya blong kafsaedem i go long ol fo saed blong Olta ya blong givim i kam long mi, mo pris we i stap wok long dei ya i mas mekem samting ya.
6 "Sipos wan long yufala i wantem mekem sakrefaes olsem, mo i wantem kilim pijin blong mekem, hem i mas tekem wan sotleg* no wan nawimba, i karem i kam.
7 Nao pris bambae i mas tekem pijin ya i kam long Olta, i leftemap long fes blong mi, mo i mas tanem nek blong hem blong kilim i ded, mo i mas pulumaot hed blong hem, i bonem long Olta ya, nao i mas mekem blad blong pijin ya i ronaot i go long saed blong Olta ya.
8 Nao hem i mas brekem pijin ya, i tekemaot basket blong kakae blong hem, wetem ol kakae we i stap long hem, i sakem i go klosap long Olta ya long saed blong hem i go long is, long ples ya we oli stap putum asis blong Olta long hem
9 mo i mas holem tufala wing blong hem, i pulum tufala blong brekem bodi blong hem i open we i no pulumaot tufala wing blong hem, nao i mas bonem long Olta ya. Bambae hem i mas bonem pijin ya we i bon evriwan. Sakrefaes ya i wan presen we i blong bonem blong givim i kam long mi, mo gudfala smel blong hem bambae i mekem mi mi glad tumas long hem."