Chapter 54
1 E te Atua, kia whakaorangia ahau e tōu ingoa; kia whakawākia hoki ahau e tōu kaha.
2 E te Atua, whakarongo ki tāku īnoi, tahuri mai tōu taringa ki ngā kupu a tōku māngai.
3 Nō te mea kua whakatika mai ngā tāngata iwi kē ki ahau, ā, e whāia ana tōku wairua e te hunga tūkino; kāhore i waiho e rātou te Atua ki tō rātou aroaro. Hera
4 Tēnei te Atua hei kaiāwhina mōku; kei roto te Ariki i te hunga e tautoko ake ana i tōku wairua.
5 Māna e utu te kino o ōku hoariri; hunā rātou, he pono nei hoki koe.
6 Ka kakama ahau ki te mea patunga tapu ki a koe, ka whakamoemiti ki tōu ingoa, e Ihowā, he mea pai hoki.
7 Kua whakaorangia hoki ahau e ia i roto i ngā hē katoa; ā, kua titiro tōku kanohi ki te mea e hiahia ana ahau ki ōku hoariri.