Chapter 129
1 Mga taga-Israel, isulti ninyo kini: Gipaantos gayod kami sa hilabihan sa among mga kaaway sukad pa sa pagkatukod sa among nasod.
2 "Gipaantos gayod nila kami sa hilabihan sukad pa sa pagkatukod sa among nasod. Apan wala gayod nila kami mapildi.
3 Gisamaran nilag lawom ang among likod; mura kinig uma nga gidaro.
4 Apan matarong ang Ginoo , kay giluwas niya kami gikan sa pagpangulipon sa mga daotan."
5 Hinaut nga magpahilayo ang tanang nagdumot sa Zion tungod sa kaulaw.
6 Hinaut nga mahisama sila sa mga sagbot nga nanubo sa atop sa balay, nga sa pagturok pa lang nalaya na dayon.
7 Walay magpakabana sa pagtigom niini nga sagbot o modala niini nga binugkos.
8 Hinaut pa nga ang mga tawong moagi dili moingon kanila, "Hinaut pa nga panalanginan kamo sa Ginoo ! Gipanalanginan namo kamo sa ngalan sa Ginoo ."