Chapter 23
1 Ikaw, Ginoo , mao ang akong magbalantay, ug dili ako makabsan sa tanan kong gikinahanglan.
2 Daw karnero ako nga gipapahulay mo diha sa sabsabanan nga abunda sa lunhawng mga sagbot, ug gigiyahan ngadto sa tin-aw nga tubig.
3 Gilig-on mo ako. Gitultolan mo ako sa hustong dalan aron ikaw mapasidunggan.
4 Bisan pa ug maglakaw ako sa walog nga labihan kangitngit, dili ako mahadlok tungod kay kauban ka nako. Ang imong pagpanalipod ug paggiya nagpalig-on kanako.
5 Giandaman mo ako ug kombira samtang nagtan-aw ang akong mga kaaway. Gidihogan mo ug lana ang akong ulo ingon nga imong pinasidunggang bisita. Ug gipatuyangan mo ako sa ilimnon.
6 Nakasiguro gayod ako nga ang imong kaayo ug gugma kanako magpadayon sa tibuok kong kinabuhi. Ug mopuyo ako sa imong balay , Ginoo , hangtod sa kahangtoran.